dessin patrice gv               

Korventenn ! Korventenn !
Sailhañ a ra war zug ennomp 
Ur gorventenn veur !

Karget eo an oabl
‘vel kein an daoned !
Kurun ha foeltr ha tan !
Al Linvadenn-Veur !

Korventenn ! Korventenn !
Sailhañ a ra war zug ennomp 
Ur gorventenn veur !

War kein ar mor
Ur wagenn divent !
Ha ganti, siwazh,
Ur pobl beuzet !

Korventenn ! Korventenn !
Sailhañ a ra war zug ennomp 
Ur gorventenn veur !

Dindan hon treid
E kren, c’hoazh ha c’hoazh,
An douar toulgovet,
Gwele an dud varv !

Korventenn ! Korventenn !
Sailhañ a ra war zug ennomp 
Ur gorventenn veur !

Skoazell e-bed !
Dorioù an druez
A zo serret !
Serret !

Korventenn ! Korventenn !
Sailhañ a ra war zug ennomp 
Ur gorventenn veur !

An anaon
‘zo dizesperet !
Ar c’horfoù
Drailhet, skignet !

Korventenn ! Korventenn !
Sailhañ a ra war zug ennomp 
Ur gorventenn veur !

‘barzh va fenn emañ
Ar gorventenn-mañ !
Arvestit ganin war dav
An heol a zav !

Korventenn ! Korventenn !
Sailhañ a ra war zug ennomp 
Ur gorventenn veur !